Komîteya Aktîvîte û Çalakîyanê Seserra Pêkerdişê Lozanî da zanayene ke ê do 22-23ê temmuze de bajarê Lozanî yê Swîsre de konferans bikerê.  Konferanso ke do di rojî dewam bikero,  bi şîarê  ''Ma sey kurdaN û kurdîstanijan Seserra Pêkerdişê Lozanî de Lozan de yê û nê pêkerdişî qebul nêkenê, red kenê'' yeno kerdene.

Komîte semedê tewrbîyayîşê konferansî veng da û nê vatî:  ''Seke yeno zanayê bi Pêkerdişê Lozanî se serrî verî Kurdîstan reyna ame letekerdene. Ma sey temsîkaranê partî, rêxistin û dezgehanê kurdan  serrgêra Pêkerdişê Lozanî de 22-23ê temmuze rojanê  şeme û yewşemeyî Lozan de yenê têhet. Nê kombîyayîşî de ma do netîceyanê Lozanî û tesîrê ci yê serê Kurdîstan birejnê.

Ma wazenê serrgêra nê pêkerdişê leyminî de nêrazîbîyayîşê xo ramojnê û vengê xo dinya rê bidê eşnawitene ke na nê pêkerdişî qebul nêkenê. Ma do 24ê temmuze de verê salona ke Pêkerdişê Lozanî tede ame muneqeşekerdene de netîceya konferansî eşkera bikerê. Çar leteyanê Kurdîstanî û dîaspora ra do kurd û kurdîstanijî Lozan de kom bibê, ma do bi vengê berzê veng bikerê wîjdanê merdimîye û dewletan.''