Konferans hetê Hemserekê  Konseya Tekîlîya Teberî ya  Kantonê Cizîrî Dr. Abdullkerîm Omerî û Enstîtuya Kurdan ê Brukselî ra ame organîzekerdene.

Omerî ya pîya Unîversîteya Azade yê Brukselî ra profesor Gerrit Loots û hemserekê komela V-Europe ke mexdûranê terorî pawena, Phlippe Vansteenkiste  ke Rojawan de cigêrayîş viraştbi, tewrê ci bîyî.

Omerî  vist vîrî ke wexto ke QSD  Dêra Zorî de hemverê çeteyanê DAÎŞî de operasyon virazeno, dewleta tirkî  hêrişê Kobanêyî  kena û vat ke no DAÎŞî rê eşkera eşkera paştdayîş o.

Omerî qiseykerdişê xo rê wina dewam kerd: ‘‘ QSDyî heta nika xeylî çeteyî ganî tepiştî. 46 welatanê cîyayan ra 790 çeteyê DAÎŞî, 584 cinîyî û 1.248 domenî destê ma de yê. Cinî û domanî kampanê El Hol, Roj û Eyn Îsa de manenî. Nê çeteyî semedê ma hem tehluke hem zî meseleyêko gird ê. Semedê pewerdeyê domananê çeteyan ganî welatê Ewropa sermîyanî bigerî. Çeteyî zî ganî welatanê xo de bêrî cezakerdene.‘‘