Federasyonê Komeleyanê Dêrsimî (DEDEF), Federasyonê Yewinanê Dêrsimî yê Demokratîkan ê Ewropa (ADEF) û Merkezê Cigêrayîşê Dêrsimî (DAM) serrgêra 85. ya Terteleyê Dêrsimî de siba qezaya Kadikoyî ya Îstanbulî de qurbanan yad bikerê.

DEDEF, DAM û ADEFî bi eşkerayîyêka hempare vat: ''Ma çîyêk xo vîr a nêkerd. Ma çîyêk efû nêkerd.'' Înan venga pêro merdiman da ke wa tewrê yadkerdişî bibê.

Merasîmê yadkerdişî 4ê gulane (siba), saete 19.37 de Rihtim Kadikoy de bêro kerdene.