Komeleya rojnamegeranê Dîcle Firatî (DFG) raporê menga sibate yê binpaykerdişê heqanê rojnamegeran da zanayene.

Rapor de vera tepiştişê rojnamegeranê ke sînorê Yunanîstanî de rewşa multecîyan teqîb kerdêne tewir ame mojnayene. Rapor de ame vîrvistene ke zîndananê Kurdîstanî û Tirkîya de tewr tay 100 rojnameger tepişte yê û bala ameye antene rewşa Mudirê Weşanî yê Yakin Dogu Haberî Alptekîn Dursunoglu, Mudirê Xeberan ê Oda TVyî Bariş Terkoglu, rojnamegere Hulya Kilinç û astengkerdişê rîpelê Oda TVyî ser.

Bîlançoya sibate

Goreyê raporê DFGyî 12 rojnamegerî ameyî destbendkerdene, 1ê înan ame tepiştene, vera 3 rojnamegeran hêriş ame kerdene, derheqê 2 rojnamegeran de tehqîqat dayîya destpêkerdene, 6 rojnamegeran rê ceza ameye dayene, derheqê 71 rojnameran de 15 dewayî dewam kenê, Ajansê Jinnewsî ame astengkerdene, 2 rojnamegerî maruzê sansurî bîyî û 111 rojnamegerî tepişte yê.