Zîndanê Sîlîvrî de îşkence zêdîyeno. Tepişte Kadîr Kayayî pê telefonî dadîya xo Songule Taştan reyde qisey kerd û ci rê qala binpakerdişanê heqan kerde.

Songule Taştan ANFyî rê qisey kerd û pare kerd ke Kayayî ci rê vato ''Ez hînî nêeşkena nefes bigêra.'' Kayayî da zanayene ke koxûşî zaf qerebalix ê, vera janî tedbîr nêgêrîyeno, awe înan birîyena, seba revîrî destûr nêdîyeno û waştişnameyê înan rê cewab nêdîyeno.

Taştane vat: ''Lajê mi nêm û serrêke ra nata tepişte yo. Heqê înan ê pêvînayîşî kêmîya bi 45 deqeyan. menga Remezanî de koxûşê înan de xeylêk kesî pê Korona kewtî û karantîna ra ber tedbîrêk nêame girewtene. Lajê mi aşî bîyo la nêzanîyeno ke o verî pê Korona kewto yan nê. Ci rê test nêame kerdene.''

Taştane venga rayaumûmîye da ke wa mesele ser o hîsger biba.