Sîyasetmedaranê Danîmarka venga Hemserekanê Konseya Rayberdişî ya KCKyî Cemîl Bayik û Besê Hozat, Hemserekê Kongreya Neteweyî ya Kurdîstanî (KNK) Ahmet Karamuş, rayberê Goranî Omer Seyîd Alî, Serekê Herêma Başûrê Kurdîstanî Nêçirvan Barzanî, Serekê PDKyî Mesut Barzanî û rayberê YNKyî Qûbad Talabanî da û înan ra waşt ke seba çareserîye, dîyalogan têbigêrê.

Sîyasetmedaranê Danîmarka ard ziwan ke şer û nakokîya mabênê kurdan têna dişmenan rê fayde kenê û vat: ''Ma alozîya Başûrê Kurdîstanî pê zerrîyêka şikte seyr kenê.Ma pê nê mektubî rayberanê kurdan ra wazenê ke seba dîyalog û çareserîye têbigêrê. Ganî kurdî paştî bidê yewbînan. Nakokîya mabênê kurdan karê ma yo ke ma seba şarê kurdî kenê qels kena. Serekkomarê Tirkîya seba ke nakokîye bivisno mîyanê şarê kurdî pê pêro firsendan têgêreno. Nêwazenê kurdî azad biciwîyê. Na rewşe do biba semed ke qirkerdişê vera kurdan bizêdîyê. Ma venga rayberanê kurdan danê ke vera ney bigêrê.''

Sîyasetmedarê ke morê xo dayê binê nê mektubî:

* Mr. Mogens Lykketoft, Partîya Sosyal-Demokrate ra Wezîrê Karanê Teberî yo verên, Sereko verên ê Komelê Pêroyî yê Neteweyanê Yewbîyayeyan.

* Mr. Holger K. Nielsen, Partîya Şarî ya Sosyalîste ra Wezîrê Karanê Teberî yo verên ê Danîmarka .

* Vervatoxê Têkilîyanê Teberî yê Parlomentoya Danîmarka  Michael Aastrup Jensen.

* Endamê Komîteya Karanê Teberî ya Danîmarka  Rasmus Nordqvist.

* Sîyasetmedarê Danîmarkî Mr. Soeren Soendergaard.