Sîyasetmedarê cinîyî yê kurdî Gultane Kişanak, Sebahate Tuncel û Ayla Akat  Ata yê ke Dewaya Kobanê de tehlîye bîyî, verê banê DEM Partî yê Amedî de  şarî reyde ameyî têhet.

Sîyasetmedarî bi slogana Jin jiyan azadî ameyî pêşwazîkerdene.  Dima ra banê bajarî de zîyaretî ameyî qebulkerdene. Hemsereka DEM Partî ya Bajarî Pinare Sakik Tekîn sîyasetmedarî kesê ke ameyî zîyaret selam kerdî û vat, “Têkoşînê ma do heta azadkerdişê heme tepişteyan dewam bikero. ”

Gultane Kişanak seba ke Amed de ya keyfweşîya xo ard ziwan û wina vat: ''Ma zaf kêm ê. Ma hîrê embazî tîya de yê la aqil, zerrî û hîssê ma embazanê ma de yê ke  hema rehîn ê. Ma do bi têkoşînî biresê yewbînan. Meseleyê sîyasîyî yê welatî bi zîndanî nê bi rayîr û metodanê raştan yenê çareserkerdene. Kesê ke 30 serrî yo zîndan de yê û hema nêvejîyayî est ê.  Tecrîd çend şino giranêr beno.  Tecrîdê Îmraliyî her hetê welatî ra vila beno. Semedê çareserkerdişê problemanê xo ganî çîyo ke destê ma ra yeno bêro kerdene.''

Sebahate Tuncel zî ard ziwan ke ê bi slogananê “Jin, jiyan azadi” ameyî raştkerdene û selamê embazanê xo ardî û nê vatî: No tehlîye azadîye nîya. Ma têna pêro pîya eşkenê bibê azad. Qerarê mehkeme reyna ceza da paştdayîşî. AKP-MHP-Ergenekonî vera DAÎŞî ceza da sosyalîstan û kurdan. Ma na netîce nas nêkenê. Coka ma do têkoşînî rê dewam bikerê. Bi seyan, hezaran kesî zîndan de yê û na têna meseleya merdimanê înan nîya. Vera şarê kurdî, hêzanê demokrasî û cinîyan xirabîya rêxistinen yena kerdene. Ganî ma holîya rêxistinen vila bikerê.  Rayîrê haştîye Îmraliyî ra ravîyareno.''

Ayla Akat Ata zî nê vatî: ''Ganî her kes wayîrê xoverdayoxanê zîndanan bivejîyo. Pêvînayîşê avûkatanê Birêz Ocalanî eynê astenkerdene.  Bi nê caardişan verê haştîye yeno girewtene. Ganî ma çalakîyan  de waran de bêrê têhet û vengê xo bikerê berz. Ez tepişteyanê Dewaya Kobanê selam kena.''