Sîyasetmedarê Swêdî: Ganî dewleta Tirkî leşkeranê xo peyser biance

Sîyasetmedaranê Swêdî ard ziwan ke dewleta Tirkî sucanê şerî kena û vat, "Ganî dewleta Tirkî leşkeranê xo peyser biance."

Paytextê Swêdî Stockholm de sîyasetmedar û temsîlkaranê rêxistinan ê komelkîyan û sivîlî tewrê çalakîya şermezarkerişî ya Tirkîya bîyî û nê mesajî dayî:

Hetkara Diyîne ya Sereka Parlementoyê Swêdî û Parlamentera Partîya Çepe Lotta Fohnsson Fomarve: "Yew eleqeyê Tirkîya bi Vakurê Sûrîye çin o. Ganî Tirkîya leşkeranê xo peyser biance. Yena vatene ke adirbirnayîş ame binpaykerdene. Bi hewayêkê eşkerayî şer dewam keno."

Komîsero Verên ê Heqanê Merdiman ê Konseya Ewropa û Parlamentera Partîya Karkeran a Sosyal Demokratan Thomas Hammarberg: "Wazenê Kurdan herême ra dûr bifinê, herinda înan de merdimanê bînan ca bikê, sîstemo demokratîk wedarnê. No seba Kurdan û Ewropa trajedîyêko pîl o û ganî peynîya nê trajedîyî bêro girewtene."

Lîderê Partîya Çepe Jonas Sjostedtî: "Ma zanenê ke her cayê dinya de dostê ma estê ke hêrişanê Tirkîya, sucanê Tirkîya yê verba merdimîye şermezar kenê. Ma wazenê ke Vakurê Sûrîye  perayîşan ra bêro qedexekerdene. Ganî verba Tirkîya amabargoyî bêrê caardene."

Parlamenterê Partîya Karkeran a Sosyal Demokratan Serkan Kose: "Ganî hêrişê leşkerî û îşxakerdişî biqedê. Goreyê Rêxistina Efûyî yê Mîyanneteweyî Tirkîya sucê şerî kerdî. Ganî naye bêra cigêrayene. Ganî ambargoyê serê Tirkîya bêrê kerdene."

Parlamenterê Partîya Çepe Danîel Rîazat: "Ma hêvî kenê ke paştdayîşê şaranê dinya yê seba Kurdan do dewam bikê. Sîstemo ke heqanê merdiman û demokrasî ano ca, do  bêro pawitene.

Parlamentera Partîya Çepe Lorena Delgado Varas: "Ma vînenê ke DYA  Kurdan rê îxanet kerd."