Rojnameger Celal Başlangiçî şaristanê Kolnî yê Almanya de nêweşxaneyêk de kanserî ra dinyaya xo bedilnaye.

Başlangiço ke 1956 de Îstanbul de dadîya xo ra bîyo, rojnameyanê cîya-cîyayan de xebitîya û dima rojnameyê Evrenselî na ro. Ey mîyanê ronayoxanê rojnameyê Radîkalî, T24 û Arti Gerçekî de zî cagirewt. 

Başlangiç wayîrê xeylêk xelatîyanê rojnamegerîye yo. Ey heta nika kitabê sey Kanli Bîlmece, Hayatin Rengî Gokkûşagi, Hayata Soylenmîş Şarkilar, Korkû Tapinagi, Trîlye’den Yusufelî’ne Adatepe’den Derik’e Hayat Agaciyla Yaşayanlar nuştî.

Başlangiç bi xeberanê xo yê serê serebûtanê Kurdîstanî yê 90an zî şinasîyeno. Başlangiçî 2015-2016 de wextê qedexeyê tebervejîyayîşî de bi armancê paştdayîşê çapemenîya kurdan Kurdîstan de rojnamegerîye kerdbî.