Koordînasyonê KJCyî bi eşkerayîyêke venga pêro cinîyan ê ciwanan da ke wa deklarasyonê KJK û PAJKî yê serê xopawitişî hol fam bikerê û bîyarê ca.

Eşkerayîye wina ya:

''Sey cinîyan ê ciwanan caardişê sîstemê xopawitişî erkê ma yo. Ma seba caardişê ney est ê û do ser bikewê. Ganî ma deklarasyonê xopawitişî yê KJK û PAJKî hol fam bikerê û bîyarê ca. Ganî ma caardişê xopawitişî bikerê armancê xo. 

Şertê xopawitişî yo verên şinasnayîşê dişmenî yo. Ganî ma bizanê ke dişmen kam o û do senî hêriş bikero ke ma goreyê ney xo bipawê. Ganî ma xo bipawê, heqanê xo însafê camêrdan rê meverdê. Dişmenî ra yar nêbeno, edalet nêpawîyeno û binê versîya ci de xeyal nêno kerdene. Vera dişmenî ancax şer yeno kerdene ke rayîrê ney zî averberdişê xopawitişî yo.

Dewleta tirke vera cinîyan mîyanê şerî de ya. Coka ma rê xopawitişî rê ber rayîrêk çin o. Tewr peyên Şirnex de şarê ma vera çawişê pisporî xopawitiş ard ca û mojna ke ganî vera rejîmê tecawuzkerî de ma senî têbigêrê. Ganî ma pêro kuçeyanê Kurdîstanî de xopawitişî rêxistin bikerê. Ganî ma pêro tacîzker û tecawuzkerî Kurdîstanî ra def bikerê!

Xopawitişê ma çend xurt bibo sey cinîyan ma zî do hendê xurt bibê. Ewro pêro dinya zanena ke felsefeya Jin, Jiyan, Azadî ya Rayber Apoyî asta têkoşînî senî berz kerda. Rayber Apoyî ronayox û rayberê xopawitişê cinîyan o. Ey PAJK, KJK, YJA-Star, KJC, YPJ, YJŞ, YPS-JIN, HPJ û KBD-H dîyarîya pêro dinya kerdî. Ma zî ganî nînan aver berê û azadîya Rayberê xo bîyarê ca.

Bi na hişmendîye ma vengdayîşê PAJK û KJKyî yê serê xopawitişî bibê cewab! Ma venga pêro cinîyan ê ciwanan danê ke bi dînamîzmêkê xurtî tewrê Hemleya 'Bi Jin, Jiyan, Azadî; Ver bi Şorişê Azadîye' bibê.''