Şaristanê Solothurnî yê Swîsre de vera hêriş û qirkerdişanê dewleta tirke ya îşxalkere çalakîya xeyme ya bi 3 rojan dîyabî destpêkerdene. Çalakîye serkêşîya NCDK, Komunê Cinîyan ê Pinare û Têgêrayîşê Ciwanan ê Şorişgêran de dîyabî destpêkerdene.

Çalakîye de hêriş û qirkerdişê dewleta tirke ameyî teşhîrkerdene û ame waştene wa warê hewayî yê Rojawan, Mexmûr û Şingalî dewleta tirke rê bêro qefilnayene. Seba geşkerdiş û xurtkerdişê Şorişê Rojawanî zî agahîyî ameyî dayene. Çalakîye de vera qedexeyê serê PKKyî îmzayî arê dîyayî.

Hemserekê FEDA Demîr Çelîkî peynîya çalakîye de qisey kerd û bale ante ser ke Peymana Lozanî kewena seserrîya xo. Çelîkî vat: ''Bi na peymane Kurdîstan ame parçekerdene. Ma seba şermezarkerdişê na peymane tewrê rayraşîyayîşê Lozanî bibê.''