Bajarê Solothurnî yê Swîsre de semedê xoverdayoxanê Rojehê Mergî yê 14ê Temmuze û şerwananê azadîye yê ke wextê peyênî de Herêmanê Pawitişî yê Medya de şehîd bîyî aktîvîteya yadkerdişî ameye organîzekerdene.

Aktîvîteya ke hetê Dezgehê Keyeyanê Şehîdan (KOMAW), PYD û têgêrayîşê ciwanan ra ameye kerdene merdimê şehîdan û bi seyan kurdî tewrê ci bîyî. Badê rêzgirewtişê semedê şehîdan, derheqê xoverdayîşê têgêrayîşê azadîye de ame qiseykerdene ke kurdî newe ra ganî kerdî.

Merdimanê Berxwedan Dijwar, Cumali Devran, Destîna Berçem, Şoreş Amed, Berjîne Zenda û Cotkar Karkerî yê ke wextanê cîya cîyayan de şehîd bîyî, înan zî qisey kerd û ê vat ê do wayîrê têkoşînê şehîdanê xo vejîyê.

Zozane Serhata ke bi nameyê TJK- E qisey kerd bale ante serê şerê Herêmanê Pawitişî yê Medya ser û vat: ''Ewro vera gerîlayan çekê kîmyewîyî yenê şuxulnayene û dinya bêveng a. Çunke ê çeke danê dewleta tirke. Dewleta tirke bi paştdayîşê keyeyê Barzanî embazanê ma şehîd kena. Heta ke no îxanet meqedîyo şehîdê ma benê zaf. NATO qerarê xo goreyê keyeyê Barzanî geno. Semedê qedînayîşê kurdê/a azadî/e her kayê leyminî kay kenê. La ê se kenê wa bikerî nêeşkenê vera Rayber Apoyî û gerîlayê ke ey afernayî ser bikewê. Ma ganî têkoşînê xo xurtêr bikerê û destûrê Lozanêkê bînî medê.''

Zozane Serhat semedê tewrbîyayîşê  rayraşîyayîşê 23ê temmuze veng da û ganî her kes tewrê na çalakîye bibo.