Stenbol de 6 wesayîtî ameyî vêşnayene
Yewîyê Qesasî yê Şehîd Baranî seba protestokerdişê tecrîdê serê Rayberê Şarê Kurdî Abdullah Ocalanî, çarçiweya hamleya ‘Sere wedarê‘ de Stenbol de 6 wesayîtî vêşnayî.
Yewîyê Qesasî yê Şehîd Baranî seba protestokerdişê tecrîdê serê Rayberê Şarê Kurdî Abdullah Ocalanî, çarçiweya hamleya ‘Sere wedarê‘ de Stenbol de 6 wesayîtî vêşnayî.
Koordînasyonê Têgêrayîşê Ciwanîye yê Şorişgêrî (DGH) da pêhesnayene ke Yewîyê Qesasî yê Şehîd Baranî yê înan seba protestokerdişê tecrîdî Stenbol de 6 wesayîtî vêşnayî.
Eşkerayîye de ame vatene ke seba wedartişê tecrîdê serê Rayberê Şarê Kurdî Abdullah Ocalanî, qezayanê Stenbolî ra Bagcilar de 2, Sultangazî de 3 û Esenyurt de zî 1 pêro pîya 6 wesayîtî bi vêşnayîşî ameyî îmhakerdene.
Koordînasyonê Têgêrayîşê Ciwanîye yê Şorişgêrî da zanayene ke heta azadîya Ocalanî do çalakîyê înan dewam bikerî.