Merdimanê tepişteyan semedê baleantişê grevê vêşanîye yê ke semedê wedartişê tecrîdî yenê viraştene xeylî cayanê Stenbolî de çalaki viraştî.

Umranîye de xeylî kesî ameyî têhet û yelegê ke fotografê Leyla Guvena ke 190 rojî yo grevê vêşanîye de ya dayî xora û destê yewbînan girewtî û rêzila merdimî viraşt. Çalakgeran bi sloganan xoverdayîşê grevê vêşanîye silam kerd û waşt ke tecrîd cade bêro wedartene. Çalakgeran şaro ke fitarê xo akeno veng da înan û derheqê grevê vêşanîye de zanayîş da. Çalakwanan ard ziwan ke heta ke waştişê xoverdayoxan bêrê ca, ê zî do xoverdayîşî rê dewam bikerê.

Kartal de zî bi heman waştişî rayraşîyayîşêk ame viraştene. Çalakgeran bi slogana, ‘Veng bidê Leyla’ bale ante xoverdayîşê grevê vêşanîye ser.

Beyoglu û Beykoz de zî fîtar ra dima xeylî kesî ameyî têhet rayarşîyayîşê meşaleyinî organîze kerdî.  Çalakageran bi sloganan xoverdayîşê zîndanan silam kerd û rayîr trafîkî rê birna. Şarê mehla zî balkon û camanê xo ra bi tîlîlîyan paştî daye çalakgeran.