Stenbol de vizêr zî hetê merdimanê tepişteyan ra Semedê baleantişê grevê vêşanîye û rojeyê mergî yê ke vera tecrîdê serê Ocalanî yenê viraştene, çalakîyî ameyî viraştene. Çalakîyê ke Bakirkoy, Sancaktepe, Esenyurt û Başakşehîr ameyî viraştene xeylî kesî tewrê ci bîyî.

Bakirkoy de bi çalakîya roniştişî û rayraşîyayîşêk tecrîd ame şermezarkedene û bale ancîya serê rewşa xoverdayoxanê grevê vêşanîye û rojeyê mergî. Çalakîye de bi sloganan xoverdayîşê grevê vêşanîye ame silamkerdene. Derûdor ra zî hemwelatijan bi slogana‘‘ Biciwîyo xoverdayîşê zîndanan‘‘ paştî daye.

Reyna bi heman waştişî Sancaktepe, Esenyurt û Başakşehîr de zî merdimê tepişteyan meydanan de bî. Çalakwanan ard ziwan ke waştişê xoverdayoxanê grevê vêşanîye waştişê înan ê û waşt ke cade bêrê bicaardene.