Tecrîdê serê Rayberê Şarê Kurdî Abdullah Ocalanî, hêrişê îşxalî yê dewleta tirke yê vera Başûrê Kurdîstanî û qerarê Amerîka yê vera kadroyanê serkêşan ê Têgêrayîşê Azadîye yê Kurdîstanî çar leteyanê Kurdîstanî û her hetê dinya de yenê şermezarkerdene.

TJK-E û KCDK-E 12ê gulane de bajarê Strasbourgî yê Fransa de bi şîarê ''vara îşxal û qirkerdişî her ca Avaşîn, Zap û Metîna yê. Dem demê azadîye yo!'' çalakîya çar hewteyan danê pestpêkerdene.

Çalakîye cayê Nobeta Azadîye yo ke dezgehê Ewropa yê sey Konseya Ewropa, Parlamentoyê Ewropa, Mehkemeya Heqanê Merdiman a Ewropa û CPT tede yê de do bêro kerdene. Çalakîye do 12ê gulane de serkêşîya TJK-E de  bêro destpêkerdene. Çalakîya roniştişî do bi eşkerayîya çapemenîye bêro destpêkerdene. Rayraşîyayîş do verê Konseya Ewropa de bêro destpêkerdene û verê Konsolosxanyê Amerîka de bi eşkerayîye bêro qedînayene.

Çalakîye do hetê dezgehanê kurdan û dostanê kurdan ra her hewte bi grûbanê ke tede 30 kesî ca genê bêro domnayene. Çalakîya ronişitşî do her roje saete 09.00 ra heta 17:00 dewam bikero. Çalakîyê de pîya qirkerdişê vera kurdan û hêrişê îşxalî yê vera Kurdîstanî yê dewleta tirke bêvengîya Ewropa zî do bêro şermezarkerdene.