Bajarê Strasbourgî yê Fransa de 1ê kanûne de Înîsîyatîfê Ocalanî rê Azadîye bi şîarê 'Azadîye do ser bikewo-semedê Ocalanî têbigêrê' çalakîye dayebî destpêkerdene. Çalakîya ke çarçewa Hemleya ''Dem Demê Azadîye yo'' de yena kerdene roja 16. de ya.

Çalakîye ewro hetê grûba enternasyonalîstan û kesê ke karanê dîplomatîkan kenê ra ameye dewrgirwtene. Grûba ke tede 30 kesî ca genê eşkerayîyêke daye. Eşkerayîye de bale ameye antene serê tecrîdê giranî yê Îmralîyî ser û ame vetene ke heta azadîya Rayberê Şarê Kurdî Abdullah Ocalanî do çalakîyê înan dewam bikerê. Ciwananê enetenasyolîstan vist vîrî ke senî Abdullah Ocalan tim semedê haştîye gaman erzeno û heme cehdkerdişê ey bi hêrişan yenê cewabkerdene ser û vat ganî Ocalan bibo azad. Çalakwanan seba ke paştî danê Tirkîya welatê Ewropa zî rexnê kerdî û vat ganî PKK lîsteya terorî ra bêro vetene û dezgehê eleqedarî tê mîyanneteweyî semedê wedaritişe tecrîdî têbigêrê.

Hetê bînî ra kedkarê hunerî Sîdar Îçlî (Sîdar Amedî) yo ke tewrê çalakîye  dîyîrêke eşte Hemleya Bazanê Zagrosî ser.

Siba kurdê ke bajaranê Dusseldorf û Kolnî yê Almanya ciwîyene do çalakîye dewr bîgirê.