Bi sebebo ke Serekkomarê tirkî R.Tayîp Erdogan hewteyo vernîya ma do şorî Almanya, Stuttgart de çalakîyêk ameye viraştene.

Çalakîye de xeylê posterê ‘ti xeyr nêameyî Erdogan‘ ameyî aliqnayene û bi pankartan eleqe ancîya muhîmîya vera faşîzîmî de yewbîyayîşî ser û hukmatê Almanya ra ame waştene ke wa paştî medo Tirkiya.

Çalakgêran bi qiseykerdiş û vilawekan derheqê dîktatorîya Erdoganî û hêrîşanê ci yê vera kurdan de zanayîş da.

Peynîya çalakîye de ame waştene ke wa herkes tewrê çalakîya protestokerdişê tecrîdî ke do 22 êlule, seate 14.00 de Laûtenschlagerstrasse de yena viraştene, bibo.