Serekwezîrê Iraqî Sudanîyî Kerkûk de temsîlkaranê ereb û tirkmenan de pêvînayîş kerd û pare kerd ke ganî prosesê ronîyayîşê hukmatî de qet yew şar nêro teberkerdene û seba îdareyê herêmîyî xebata hempare bêra kerdene.
Serekwezîrê Iraqî Muhammed Şîya Sudanîyî Kerkûk de temsîlkaranê ereb û tirkmenan de pêvînayîş kerd. Pêvînayîş Meclîsê Şaristanî de ame kerdene.
Sudanîyî pêvînayîş de pare kerd ke ganî prosesê ronîyayîşê hukmatî de qet yew şar nêro teberkerdene û seba îdareyê herêmîyî xebata hempare bêra kerdene.
Goreyê xebera ke medyaya Iraqî de cagirewta Sudanîyî îfade kerd ke awankerdişê Meclîsê Şaristanî yê Kerkûkî de ganî xebata hempare bêra kerdene. Sudanîyî vat: ''Kombîyayîşê Meclîsî yo verên serkewtişêko pîl bi. Ganî serkewteyê weçînayîşan mabênê yewbînan de hemkarîye bikerê, wa çew ê bînî qij nêvîno. Ganî Kerkûk de pêro netewe û terefî sey yew hêzî bixebitê.''
Sudanîyî venga pêro endamanê Meclîsê Kerkûkî da ke goreyê waştişanê şarî walîyêke/î biweçînê.
Sudanîyî bire daye ke kombîyayîşê Meclîsî yo diyîn wa 11ê tebaxe de bêro kerdene.
