Meclîsê Neteweyîyî yê Bethnahrinî (MUB) yo ke rêxistina sîwanî ya suryanîyan a, şaristanê Turgiyî yê Swîsre de derheqê tecrîdê vera Rayberê Şarê Kurdî Abdullah Ocalanî de eşkerayîyêke daye. Semîr Gurcoyî eşkerayîye wende.

Eşkerayîye de dîya zanayene ke Rayberê Şarê Kurdî ra 33 mengî yo xeberêke zî nêna girewtene. Gurcoyî vat: ''Dewleta tirke û îqtîdarê AKP-MHPyî sîyasetê nîjadperest, dînperest û yewperestî kenê. Merdimê ke tirk û sunî nîyê tim yenê hedefkerdene, vera merdimanê muxalîfan tedayî nêqedîyenê. Hukmatê AKP-MHPyî seba ke komelî bigêro binê kontrolî teda û şîdetî ra fek vera nêdano.

Tecrîdê Îmraliyî şexsê Birêz Abdullah Ocalanî de pêro zîndanan rê yeno vilakerdene. Merdimê ke vera tecrîdî vengê xo vejenê cade yenê tepiştene. Bi operasyonanê qirkerdişê sîyasîyî komel yeno bêvengkerdene. Sîyasetê tecrîdî sey hacetê şantajî şuxilîyeno.

Coka ma wazenê ke Tirkîya û Rojhelatê Mîyanênî de kerdişê antîdemokratîkî û tecrîd wedarîyê. Ma venga rayaumûmîya dinya û welatanê Ewropa danê ke vera tecrîdî tewir bimojnê. Ma venga suryanîyan danê ke vera tecrîdî têkoşînê hemparî û paştdayîşî xurtêr bikerê.

-Wa tecrîdê vera Birêz Ocalanî wedarîyo û o bieşko keye û avûkatanê xo bivîno.

-Wa Birêz Ocalan bieşko fikranê xo biresno rayaumûmîye.

-Seba çareserîya meseleyanê komelkîyan û etnîkan ê Tirkîya ganî temsîlkaranê dewlete de dîyalogî bêrê kerdene.

-Ganî Abdullah Ocalan bêro veradayene.''