Seba turê diyînî yê weçînayîşê serekkomarîye yê Tirkîya Swîsre de vizêr raydayîş qedîya. Şaristananê Zurich, Bern û Cenevre yê Swîsre de 31 sindoqan de 66 hezar û 244 weçînitoxan raye daye. Heta nika hende kesî tewrê weçînayîşî nêbibi.  

Koordînasyonê Weçînayîşî yê Partîya Çep a Keske yê Swîsre û Federasyonê Yewîyanê Elewîyan ê Swîsre pê otobusan weçînitoxî berdî serê sindoqan.

Hemserekê Komelê Demokratîkî yê Kurdan ê Swîsre (CDK-S) Huseyîn Mamakliyî ard ziwan ke goreyê turê yewinî hîna zaf kesî tewrê weçînayîşî bîyê. Mamakliyî vat: ''Ciwanî do netîceyanê nê weçînayîşî dîyar bikerê. Turê diyînî de merdiman vera hişmendîya tekpereste raye daye. Ma karê rêxistinkerdeyî ardî ca, pê otobusan şar berd serê sindoqan. Wextêkê kilmî de asta rekorî de merdiman raye daye. Ma turê yewinî de nêverda ke Erdogan ser bikewo û turê diyînî de do bi Erdoganî bidê binvistene.''

Endamanê CDK-Syî verê Sersefîrîya Cenevre de wezîfedarê Partîya Çep a Keske zîyaret kerdî.