Serekê Baroyê Amedî Tahîr Elçî qezaya Sûrî ya Amedî de verê Mînareya Çarlingî de 28ê teşrîna peyêne ya 2015î de hetê dewleta tirke ra amebi qetilkerdene. Elçî serrgêra 8. ya qetilkerdişê ci de ame yadkerdene.

Keyeyê Elçîyî, Hemsereka HEDEPî Tulaye Hatîmogullari, Serekê Yewîya Baroyan a Tirkîya (TBB) Erînç Sagkan, Selvîye Kiliçdaroglu, serekê baroyan û avûkatî zî tede xeylêk kesî verê edlîye de kom bîyî. Girseyî dima bi sloganan rayraşîyayîş kerd û eşkerayîye daye.

Merasîm de deyîra 'Diyarbakir'î ya Ahmet Kayayî û qiseyê Tahîr Elçîyî ameyî goşdarîkerdene.

Serekê Baroyê Amedî Nahît Erenî ard ziwan ke qetilkerdişê Tahîr Elçîyî operasyonêko sîyasî bi û bi nê cînayetî proseso tarî yê 2015î dîyabi zanayene.

Turkane Elçî vat: ''Êyê ke wazenê ma bêveng bikerê wa bizanê ke ma do qetî edaletî bîyarê ca.''

Erînç Sagkanî vat: ''Heta ke kiştoxî bêrê eşkerakerdene û cezakerdene ma do têkoşînê xo rê dewam bikerê.''