Muhlîse Karaguzel (60)a zî ke Zîndanê Menemenî de tepişîyena 26ê çeleyî de rewşa aye ya weşîye giran bîye coka wedarîyaye Nêweşxaneyê Perwerde û Cigêrayîşî yê Ataturkî yê Îzmîrî. Muhlîse Karaguzela ke tede qelb, dîyabet, hîpertansîyon, astim û fitik est ê, 16ê sibate de qelbî ra amelîyat bîye. 

Avûkatanê Muhlîse Karaguzel naye ser o seba veradîyayîşê aye muracat kerd. Muracatî ser o înfazê Muhlîse Karaguzel qasê hîrê mengan ame taloqkerdene.

Tedawîya Muhlîse Karaguzel Anqara de hema zî dewam kena.

Kênaya Muhlîse Karaguzel Zîlane Karaguzel derheqê weşîya dadîya xo de agahîyî dayî. Muhlîse Karaguzel da zanayene ke seba dadîya ci Anqara de yena tedawîkerdene û vat: ''Dadîya mi amelîyetêkê tehlukeyînî bîye. Nika rewşa ci bena holêr. La ma hema zî bi ambulansî aye zîndanî ra benê anê nêweşxaneyî. Çunke dadîya mi hema zî nêeşkena payan ser a şora. Ma do raporanê weşîye reyde seba vindarnayîşê înfazê dadîya xo muracat bikerê.''