Tepişteyo nêweş Bekîr Yolluyo ke Zîndanê Asayîşê Berzî yê Kirşehîrî de tepişîyeno rixmo ke cezaya zîndanî ya 30 serran temam kerda û nêweşîyê ci yê giranî est ê, bi bahaneya 'halê ci hol nîyo' vera nêdîyeno.

Yollu 1993 de amebi destbendkerdene û Mehkemeya Asayîşî ya Dewlete de amebi muhakemekerdene. Mehkeme bi îdîaya 'yewî û yewparetîya dewlete xera kerda' cezaya muebede dabî ey. Yollu kanûna 2023yî de înfazê xo qedîna. Heyetê Îdare û Çimdarîye yê Zîndanî di reyî veradîyayîşê ey taloq kerd.