Mustafa Fîlîtoglu wexto ke Zanîngehê Eskîşehîrî de, Beşê Îlahîyatî de wendekar bi, bi îdîaya 'endamîya rêxistine' tepişîyabi û cezaya zîndanî ya 12 serran û 8 mengan dîyabi ci.

Fîlîtoglu rixmo ke cezaya ci qedîyaya seba ke 'rewşa ci hol nîya' tehlîyeyê ci qasê 6 mengan ame taloqkerdene.

Babîyê Fîlîtogluyî Mehmet Fîlîtogluyî da zanayene ke Heyetê Îdare û Çimdarîye lajê ey rê 'poşmanîye' ferz kerda û seba ke lajê ci no qebul nêkerd înfazê ci ameyo vêşnayene. Babî Fîlîtogluyî vat: ''Kiştoxî, tecawuzkerî û bazirganê tîryakîyan vera dîyenê. Tewr peyên kiştoxê Hrant Dînkî Ogun Samast vera dîyabi. Ganî huqûq verê her kesî de têdûşt bo. Eke babete bêra kurdan ser hînî uca de bahaneyî virazîyenê.''