Partîya Keskan a Parlamentoya Almanya menga hezîrane de vernîyazêkê persî da Meclîsê Federalî û persa ke fuzeyanê artêşa tirke de teknolojîya almanan yena xebitnayene yan nê. Nameyê Hukmatê Merkele ser o Wezaretê Enerjî û Ekonomî cewab da vernîyaz.

Wezaretî da zanayene ke înan sereyê harpî yê fuzeyanê LRAT û MRATî de teknolojîya almanan esta. Nê fuzeyî hêrişê qirkerî yê vera Kurdîstanî de yenê xebitnayene. Wezaretî nê zanayîşî dayî

-Serra 2014î de 10 parçeyê ke LRATan de yenê xebitnayene ameyî rotene Tirkîya.

-Serra 2010î ra nata Roketsanî rê bi temamî 10 sereyê herpî ameyî berardene.

-2010, 2011, 2012, 2018 de destûr ame dayene ke teknolojîya nê fuzeyan Tirkîya rê bêra rotene.

Seke Partîya Keskan zî persa vejîya werte ke Tirkîya na teknolojîya almanan roşena welatanê bînan ê sey Tunus, Arabîstana Suûdî, Malezya, Qatar û Turkmenîstan.

Dewleta tirke hêrişanê vera Rojawan û Başûrê Kurdîstanî de nê SÎHAyan xebitnena. Tewr peyêne dewleta tirke ya îşxalkere pê SÎHAyan hêrişê Silêmanî kerdbi û nê hêrişî de 2 sivîlî amebî qetilkerdene û 8 sivîlî zî birîndar bibî.