Beşdaranê Konferansê Ciwanan ê Dinya ra Romain Katabarayo ke Girawa Reuninonî ya Fransa ra yo derheqê têkoşînê ciwananê kurdan de ANFyî rê qisey kerd.

Katabarayo ke Endama Pan-Afrîkanîst û Rêxistina Azadîye ya Ka-Ubuntuyî yo ard ziwan ke ê seba ke Girawa Reunionî emperyalîzmê Fransa ra bixelisnê û azad bikerê têkoşîn kenê. Katabarayî vat: ''Seba ke ma têkoşînê xo de rêxistinanê bînan de têkilîye virazê û şaranê bînan ê bindestan de paştdayîşêkê hemparî virazê tewrê nê konferansî bîyî. Emperyalîzm global o, coka ganî rêxistinî û têkoşînê vera ci zî global bibê.

Heyf ke ciwanî ewro depolîtîze bîyî û bi hişmendîya çarenusî her çî qebul kenê. Ma sey Ka-Ubuntu xîret kenê ke ciwanî tewrê têkoşînî bikerê. Konferansê Parisî de zî ma kerd ke têkoşînê ciwananê bînan bişinasnê û nînan de torrêka têkilîye ronê.''

Katabarayî qiseykerdişê xo de bale ante têkoşînê ciwananê kurdan ser û vat: ''Ma têkoşînê ciwananê kurdan ra îlham gênê û têkoşînê înan xo rê kenê nimûne. Ganî ma paştdayîşê bi ciwananê kurdan zî bizêdînê.''