Hemserekê HDPyî Sezaî Temellîyî û heyeta ke ê dir bîye şîyî serdana Sendîkaya Kedkaranê Heme Xizmetanê Şaredarîyan û Îdarekarîyanê Cayîyan (TUM BEL-SEN).

VENGDAYÎŞÊ SEVA ÎTTÎFAQÎ

Serdane de rojnamegerêk kombîyayîşê roja Sêşemeyî ard vîrî û Temellîyî ra persa „Tirêm adresê nê vengdayîşî kam o?“ kerde. Temellîyî vat: „No vengdayîşê îttîfaqêk nêbi. Çîyê ke nê hukmatî kerdê raşte de yê. Rixmê nîyetanê prosesê Çareserîye înan planê Dekupnayîşî kerdî dewre. Mesajê mi seva cimatê Tirkîye bi. Seva ke şerr biqedîyo muhatabê ci Ocalan o.“    

MI ÎMRALÎ ADRES RAMOT

Temellîyî vatişanê xo rê nê bestî pa: „Gama ke no problem Îmralî dir masa de ame ronayene vejîya meydan ke seva aşitî gamî eşkenê bierzîyê. Gama şima na masa qelebnaye welat de şerrêk vejîya. Eke cayêk şerr esto ûca muhatabî zî estê. Bê muhataban şerr nêqedêno. Na yewe ra mi zî Îmralî adres ramot.

Eke Tirkîye wazena derheqê demokrasî de gaman bierzo ganî giranîya xo bido halkerdişê problemê kurdî ser. Rayîrê halkerdişê problemê kurdî zî aşitî ra vîyareno. Ganî ma seva aşitî vengê xo bikerê berz.