Yakup Akman rixmo ke îxbarê şewatî kerdbi 2019 de bi sûcdarîya 'çarçewa kerdişanê rêxistinîye de daristan vêşna' amebi tepiştene û cezaya muebede dîyabî ci. Akman Zîndanê Sîlîvrî yê Marmar de tewrê grevê vêşanîye bi ke çarçewa Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' de dîya destpêkerdene.

Akmanî bi telefonî keyeyê xo de qisey kerd û da zanayene ke heta ke Rayberê Şarê Kurdî Abdullah Ocalan azad bibo û seba çareserîya meseleya kurdan gamê girîngî bêrê eştene ê do çalakîya xo ya grevê vêşanîye rê dewam bikerê.

Akmanî vat: ''Zulm o ke çew bimuso tecrîdî. Ma do qetî tecrîdê Îmraliyî qebul nêkerê. Heta ke waştişê ma bêrê caardene ma do çalakîya xo rê dewam bikerê. Wa şarê ma zî tewrê nê xoverdayîşî bibo. Bijî berxwedana zîndanan.''