Aysele Koça ke dewaya Partîya Komunuste ya Maoîste ra cezaya muebede girewtbî wefat kerd. Îdareyê zîndanî keye û avûkatan rê vat ke Koçe xo kişt. Avûkatê Koçe îfade kerd ke raporê otopsîyî ra dima ê do semedê mergî bimusê.

Aysele Koç serra 2012î de qezaya Pulurî ya Dêrsimî de pêkewtişê vera leşkeranê tirkan ra dima amebî tepiştene.  

Birayê Koçe Gungor Koçî îfade kerd ke waya ci de nêweşîya epilepsî estbî û hewteyêkî ra verî Aysele babîyê xo reyde telefon de qisey kerd. Goreyê vatişanê Gungor Koçî Aysele babîyê xo ra vat: ''Nê ma tîya de ganî nêverdenê.''

Gungor Koçî vat: ''Waya mi gardîyanan reyde ameyêne pêvînayîşan. Vatêne pêvînayîşan ra dima gardîyanî hêrişê ci kenê. Îdareyî ma rê vat waya mi xo kişta la naye ra ber zanayîşêk nêda.'' 

Koçe otopsî ra dima Taxa Gazî ya Îstanbulî de do bêra definkerdene. 

Koçe wexto ke Zîndanê Gebze de mendêne nêweşxane de rastê hêrişê cînsîyî  amebî. Dozgerîye derheqê gerreyê hêrişê cinsîyî de bira bêteqîbîye dabî.