Ahmet Yilmazo ke kekê ci yo tepişte Vefa Yilmaz Zîndanê Kalkandere ra surgunê Zîndanê Samsunî bîyo, pare kerd ke verê zîndanî de birayê ci rê cigêrayîşo rût ameyo ferzkerdene û îşkence ameyo kerdene.
Tepişteyê dewaya PKK û PAJKî çarçewa Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' de 27ê teşrîna peyêne ra nata grevê vêşanîye de yê.
Zîndanê Kalkandere yê Rîza de tepişteyanê grevê vêşanîye ra Vefa Yilmaz bi lezî surgunê Zîndanê Samsunî ame kerdene.
Birayê Vefa Yilmazî Ahmet Yilmazî ANFyî rê qisey kerd û vat: ''Kekê mi bê agahîya ma bi lezî ame surgunkerdene. Ma 30ê çeleyî de kekê xo de qisey kerd û o çax hayîya ma pê surgunî bîya. Verê zîndanî de ey rê cigêrayîşo rût ameyo ferzkerdene û seba ke ey qebul nêkerdo gardîyanan dayo ey ro.
Kekê mi bi telefonî kilmêk eşka ma de qisey bikero. Kekê mi vat zîndanê Rîze de gardîyanan nêverdayo ke o eşyayanê xo zî bigêro. Gardîyanan eşto koxûşî ser û cade o berdo. Birayê mi Zîndanê Rîze de grevê vêşanîye de bi. Koxûşê ey de her kes ameyo surgunkerdene. Ma hê Bedlîs de manenê. Îmkanê ma çin ê ke ma tim şorê pêvînayîşê kekê xo. Babîyê mi xo ra nêweş o.''
Yilmazî îfade kerd ke teda îşkenceyê zîndanan zêdîyayê, ê do ney qebul nêkerê û gerreyî bikerê.
