Zîndanê Konya de şeş tepişteyî di rojî verê cû seba heme heqê înanê bingeyênî yenê binpeykerdene dest pê grevê vêşanîye kerdbi.

Endamê Komeleya Huqûqnasan a Seba Azadîye (OHD) avûkat Abdurrahman Karabulutî îfade kerd ke ê 7ê gulane de şîyî zîndan. Karabulutî da zanayene ke înan Ş.F., D.A., O.K., M.A., C.D., R.E., Y.Û. reyde ke hucre de yê û M.A.reyde ke nêweşîya x ra revîr de yo pêvînayîş kerd

Karabulutî eşkera kerd ke tepişteyan hîşyarîye daye û eke waştişanê înan rê cewab nêro dayene do çalakîya xo ya grevê vêşanîye yê bêdem-bêagêrayîşî  biaçarnê rojeyê mergî. Karabulutî vat: ''Tepişteyî wazenê ke hûmaritişê serpayan bêro wedaritene û embazê înan ê ke hucreyan de yê wa newe ra abigêrê koxûşan. Hetê bînî ra pêro waştişî selahîyetdaran rê fekkî û nuştekî ameyî vatene la hema cewabêk nêameyo dayene''

Karabulutî bale ante îşkenceyê vera tepişteyan ser û vat seba ke tepişteyan hûmaritişê payanser qebul nêkerd gardîyanan da înan ro.