Komeleya Huqûqnasan ê Hemdeman (ÇHD), Komeleya Heqê Merdiman (ÎHD), Federasyonê Komeleyanê Huqûq û Paştdayîşê Keyeyanê Tepişteyan ê MEDî (MED TUHAD-FED) û Komeleya Huqûqnasan a Seba Azadîye (OHD), Bulteno Heftane yê Zîndanan ê Covid-19î yo Çarin weşana.

Bulten pêvînayîşanê zîndana, fax, mektubanê tepişteyan û zanayîşanê merdiman ra yeno meydan. Bulten de ame parekerdene ke tedbîrê zîndanan ê vera vîrusî qîm nêkenê.

Bulten de bi hawayêkê hîrayî qala rewşa tepişteyan ê neweşan ameye kerdene û ame vatene ke kontrolê weşîye yê tepişteyan bi nîzamî nênê kerdene.Bulten de rojeyê mergî ser o zî ame vindertene û ame vatene ke cade waştişê tepişteyan bêrê qebulkerdene. Bulten de nê zanayîşî zî ameyî parekerdene: “Şîyayîşê revîran d meseleyî estê. Waştişnameyî yenê peygoşkerdene. Kontrolê tepişteyan ê neweşan wextê xo de nênê kerdene.Werd kêm yeno dayene.Tepişteyê ke neweşî ra nêeşkenê zîndan de bimanê ganî bêrê veradayene. Waştişê avûkatî Ebru Tîmtîk û Aytaç Unsal ê ke rojeyê mergî de yê bêrê qebulkerdene.