Zîndanê Êlihî de tepişte Yusuf Arslan (68) seba ke gonîye şîye mezgê ci wedarîya beşê lezgînî.

Arslano ke 5 serrî verî bi sûcdarîya 'endamîya rêxistine' tepişîyabi, 7 mengî verî sewqê Êlihî amebi kerdene. Keyeyê Arslanî vizêr seba zîyaretî şi zîndanî la îdareyê zîndanî keye asteng kerd. Cinîya Arslanî Zeynepe Arslan dîyar kerd ke îdareyê zîndanî agahîye nêdaya înan û vat: ''Naye ser o ma şîyî Nêweşxaneyê Perwerde û Cigêrayîşî. Ma rewşa mêrdeyê mi pers kerde.''

Arslane da zanayene ke mêrdeyê ci bi hawayêkê kelemçekerdeyî beşê lezgînî de tepişîyeno. Zeynepe Arslan venga pêro kesan da ke wa derheqê babete de hîsger bibê.