Tepişteyo nêweş Sabrî Kaya yo ke Zîndanê Osmanîye de maneno, perey saete 02:00 de seba ke roqilaya ci ra gonî ameyêne wedarîya Nêweşxaneyê Dewlete yê Osmanîye. Kaya pê bahaneya ke beşê ciewnîyayîşê giranî de ca çin o servîsê lezabezî de ame weşkerdene, netîceya xîretê keyeyê ci de newe ra gêrîya beşê ciewnîyayîşê giranî.

Dîlan Kaya derheqê rewşa babîyê xo de nê zanayîşî dayî: ''Rewşa babîyê mi weş nîya. Servîsê lezabezî yê Nêweşxaneyê Dewlete yê Osmanîye de heta serê sibayî vera dîya. Doktoran vat ke beşê ciewnîyayîşê giranî de ca çin o. Seba babîyê mi gonî ameye dayene. Seba ke reyna ci rê reyna gonî hewce bîye, ganî bierşawîyêne beşê ciewnîyayîşê giranî. Labelê heta saete 16:00 beşê lezabezî de vera dîya. Ma çend reyî doktoran de pêvînay kerd. Dima wedarîya beşê ciewnîyayîşê giranî. Nika ci rê gonî yena dayene û yeno xîretkerdene ke hêrikîyayîşê gonî vindero.''