Bayram Sevgîno ke 5 serr ê ke Zindanê Kayserî de yeno tepiştene  seba ke îşkece bi ey yeno kerdene 4 roj ê ke kewt rojeyê mergî.

Dadîya ci Ayşe Sevgîn seba pêvînayîşê lajê xo telefonê zîndanî kerd û lajê xo Bayramî (28) ramusa ke o vera îşkenceyî kewt rojeyê mergî. Sevgîne ard ziwan ke rewşa weşîye ya lajê xo ra semed qerqilîyena û vat: ''Di hewte yê je ez lajê xo ra xeberêke nêgêna. Mi her pancşemeyî ey reyde telefon de qisey kerdêne. La di hewteyan mi rê telefon nêkerd. Ez bi meraqî bi telefonî gêraye îdareyê zîndanî û înan mi rê xebere nêdaye.''

Goreyê vatişanê dadîye Bayramî telefon de vat: ''Bi zorî mi benê qawişêkê bînî. Gardîyanî tim îşkence bi mi kenê. Naye ra 4 roj ê ke ez rojeyê mergî de ya.'' Dadîye Sevgîne derheqê babete de waşt ke îdareyê zîndanî reyde bi telefo qisey bikera la îdarekaranê zîndanî wextê pêvînayîşî de telefon qefilna. Dadîye Sevgîne waşt ke waştişê lajê ci bêrê caardene.