Nuştoxê T24î Tolga Şardan xebera xo ya serê 'raporê MÎTî' ra bi îdîaya 'agahîyê şaşî şarî rê vila kerdê' tepişîya. Hemdîrektorê MLSA Veysel Okî derheqê tepiştişê Şardanî û qanûnê dezanformasyonî de ANFyî rê qisey kerd.

Veysel Okî hem tepiştişê rojnamegeran hem zî Vernîyazê Qanûnê Dezanformasyonî û Qanûnê Çapemenîye do bikewê rojdemê Mehkemeya Qanûnê Bingeyînî. Okî vat: ''Madeya 'vilakerdişê agahîyanê şaşan' qanûn de do bêra cakerdene û goreyê na made kesê ke agahîyanê şaşan vila kenê cezaya zîndanî bigêrê. La bingeyê ney çin o û do kam qerar bido ke kamyew agahîye şaş a? Mîyanê sîstemê muhakemekerdişî yê Tirkîya de gelo dadgerî wayîrê nê erkî yê ke qerarê agahîya şaşe bidê? Bi nê qanûnî wextê Erdlerzê 6ê Sibate de zî di rojnamegerî tepişîyabî. Çunke înan derheqê hetkarîya erdlerzî de rexneyî kerdêne.''

Okî ard ziwan ke no qanûn asta berze de azadîya fikran werte ra wedareno û vat: ''Xebera Tolga Şardanî de çimeyê xebere est o û goreyê çimeyê xebere Serekkomarîye derheqê mehkeme de cigêrayîş bikerdêne. Rojnamegerî elenê xeberêka şaşe binusê. La ney ra tepiştiş nêbeno. Bi nê qanûnî yeno waştene ke rojnamegerî qiseyanê resmîyan ra ber çîyêkê bînî nênusê. Bi nê hawayî tepiştiş dezanformasyon bi xo yo.''