Wezîrê Karanê Zereyî Suleyman Soyluyî cewab da persanê Parlamenterê CHP'yî yê Balikkesîrî û Endamê Komîsyone Karanê Zereyî Enser Aytekînî.

Soyluyî bi xo îtîraf kerd ke mabênê 2013-2018 de rîyê parekerdişê meydaya sosyale ra 20 hezar û 474 kesî ameyî muhakemekerdene. Cewab de nêame vatene ke nînan ra çend kesan ceza werda.

Nîşanê Prangaye

Aytekînî derheqê na rewşe de vat, “No nîşanê a pranga yo ke wazenê biderê fikrê azadîye ra. Kesêk nêeşkeno ma qan bikero ke, cimato muxalîf rîyê parekerdişanê medyaya sosyale ra nêno hedef kerdene û no seydo ke îqtîdarî dayo destpêkerdene bi îmzeya Suleyman Soyluyî qetî bîyo.”