Îdlîbî de teyarayêke ameye warvistene. Medyayê Rûsya û Sûrîye pare kenê ke teyara yê artêşa tirke ya. Medyayê tirke û cergan zî îdîa kenê ke teyara yê Rûsya yan zî Sûrîye ya. Çimeyanê ANFyî da zanayene ke teyara yê artêşa tirke ya.
Îdlîb de pêkewtişî benê giran. Bajarekê Seraqîbî yê Îdlîbî de zî teyarayêke ameye warvistene ke hema nêameye eşkerakerdene ke cînsê teyara çi yo û teyara yê kamî ya.
Ajansê fermî yê Sûrîye SANA, Russia Todaysê Rûsya û Sputnikî pare kerd ke teyaraya keşfî ya ke ameye warvistene yê artêşa tirke ya.
Ajansê fermî yê dewleta tirke Ajansê Anadolu (AA) zî îdîa kerd ke teyara yê artêşa Sûrîye ya la dima na xebere apey ameye girewtene.
Tay çimeyê cerganê TCyî îdîa kenê ke teyara bi tîpê Albatros L-39 a û aîda Sûrîye ya. Tay çimeyê bînî yê cergan zî vanê ke tîpê teyara Orlon-10 o û aîda Rûsya ya.
La çimeyanê herêmîyan ê ANFyî da zanayene ke teyaraya ke ameye warvistene wesayîtê hewayî yê biçeke bêmerdimî (SÎHA) ya artêşa tirke ya.
Suriye yönetimi de ülkenin kuzeybatısında tüm hava sahasının kapatıldığını ve bunu ihlal eden tüm uçakların vurulacağını duyurdu.
Îdareyê Sûrîye pare kerd ke warê hewayî yê vakurê rojawanî yê welatî ame girewtene û eke herême de teyarayêke bifira do bêra warvistene.
