Mûş: Tîje binê tecrîdî de ya, bêveng memanê
Meclîsê Ciwananê HDPyî yê Mûşî semedê protestokerdişê tecrîdê serê Rayberê Şarê Kurdî Abdullah Ocalanî çalakîye kerde. Ciwanan pankartê ''Tîje binê tecrîdî de ya, bêveng memanê'' daliqna.
Endamanê Meclîsê Ciwananê Partîya Demokratîke ya Şaran (HDP) yê Mûşî merkezê bajarî de pankartê ''Tîje binê tecrîdî de ya, bêveng memanê'' daliqna û bale ante tecrîdê giranî yê Îmralîyî ser.
Abdullah Ocalano ke Zîndanê Îmraliyî de 24 serrî yo binê tecrîdê giranî de yo, 28 aşmî yo tira qet xeberêke nînan girewtene. Tecrîdo giran bi çalakî û aktîvîteyanê cîya cîyayan yeno protestokerdene.
