Vervatoxê Serekkomarê Tirkîya Îbrahîm Kalinî bi tewrbîyayîşê endamanê kabîne Beştepe de derheqê virusê Korona de kombîyayîşê çapemenîye kerd.

Eşkerayîye de ame vatene ke 16ê adare ra tepîya do dibistane, mektebê mîyanenî û lîseyan de seba hewteyêkî û unîversîteyan de zî seba 3 hewteyan mabên bidîyo perwerdeyî. Badê 23ê adare zî perwerde-musayîş do bi metodê  perwerdeyê dûrî ra bêro domnayene. Reyna menga nîsane de musabakayê sporî zî do bê tameşekerdoxan bêrê kaykerdene. Eşkerayîye de ame vatene ke kesê ke wazenê vejê teberê welatî heta ke eşkenê wa seyahatanê xo pey de bierzê û ame vatene ke hemwelatîyê ma yê ke teberê welatî ra yenê ma wazenê ke wa xo 14 rojî bîgêrê binê karantîna.