Wezîrê Resnayîş û Binawanîye yê Tirkîya Cahit Turanî da zanayene ke seferê Almanya, Fransa, Îspanya, Norveç, Danîmarka, Awusturya, Swêd, Belçîka û Hollanda 14ê adare  (ewro) ra heta 17ê nîsane dîyayî vindarnayene. Turanî vat no tarîx bi qerarê Wezîrîya Weşîye beno ke ver yan zî pey de bêro eştene.

Turanî vist vîrî ke rîyê nêweşîya Korona ra seferê firdayîşî yê Çîn, Îran, Irak, Îtalya û Koreya Başûre verê cu ameybî qedexekerdene û vat hema zî nê welatan ra ma raywanan nêgênê têna teyarayê vengî nê welatan ra yenê ke hemwelatijanê xo bêrê.