Goreyê erkdaranê cayîyan kurne ra 19 kesî ameyî feletnayene. Nînan ra 5 kesî ameyî berdene bi nêweşxane, labelê 2 domanan nêweşxane de cuya xo vindî kerde. 

Ame zanayene ke multecîyan waşto ke Bodrum ra şirê girawa Kosî (Îstankoy) ya Yewnanistanî.

Tirkîye de nê hewteyanê peyênan de qewimîyayîşê multecîyan reyna bîyî vêşî. Roja 14ê Teşrîna verêne de Îzmîr de kamyonêk ke multecîyan kiriştêne qelebîyabî û mîyanê înan de domanî zî 22 kesan cuya xo vindî kerdebî. 

Şewa 9ê Teşrîna verêne de zî qeraxanê Îzmîrî de keştîyêk awe de cum bî û tewr tay 4 kesan cuya xo vindî kerdebî, 30 kesî zî vindî bîbî.

Peynîya qeraxê qezaya Bodrumî ya Muxla de netîceyê awe de şîyayîşê kurneyêk ke multecîyan kirişnena 2 domanan cuya xo vindî kerde.