Serekê AKPyî yo verên ê Wanî Kayhan Turkmenogluyo ke weçînayîşanê peyênan de bi wekîlê AKPyî, karanê xo yê bêusûlan rê dewam keno.

Wekîlê AKPyî Turkmenoglu bi taybetî bi şawitişê lîsteyanê Îş-Kurî, bi awankerdişê şîrketanê paravanan şinasîyeno. Turkmenoglu derheqê karanê xo yê bêusûlan de vano 'Belgeyê ci est ê' û bi nê hawayî keno ke bêusûlîyanê xo binimno. Cayê Nêweşxaneyê Îhtîsasî yo ke nêweşxaneyanê tewr girîngan ê qelbî ra yew bi, dima ke rijîya teslîmê şîrketa Turkmenogluyî ame kerdene.