Hetkara Hemserekan ê Pêroyînan a Berpirsa Karanê Teberî ya HDPyî Feleknas Uca derheqê rojdemî de ANFyî reyde qisey kerd.

Qiseykerdişê Uca ra beşêk wina yo:

''HDP têna seba şarê Kurdîstanî û Tirkîya nê, seba şaranê Ewropa zî hêvî yo. Wayîrvejîyayîşê HDPyî têna wayîrvejîyayîşê fikranê HDPyî nîyo. No heman wextî de wayîrvejîyayîşê projeyê seba cuya azade ya Rêzdar Ocalanî yo.

Hêrişê dewleta tirke yê vera Vakurî, Rojawanî û Başûrî mojnenê ke dewleta tirke destkewteyê şarê kurdî xo rê kerdî hedef. Vera nê hêrişan ganî tewirêko neteweyî bêro mojnayene. Yewîya şarê kurdî ganî verê nê hêrişan bigêra.

Vera îşxalkerî û dişmenîya şaran ganî çareserîyêka demokratîke bêra dayene. Adresê na çareserîye Îmrali yo. Pêvînayîşê peyênî de Birêz Ocalanî vat 'Ma heman ca de yê. Eke dewlete biwaza ma eşkenê na mesele hewteyêk de çareser bikerê. ' Raşt a, kilîdê çareserîya Ocalan o. Na mesele bi qeyûman, îşxalan û tepiştişan çare nêbena. Ganî peymanê ke Newrozanê 2012î, 2013î, 2014î ameyî dayene ser o sîyaset bêro kerdene.''