Serkêşîya Centre for Kurdish Progress (Merkezê Cigêrayîşê Kurdan) û Meclîsê Şarê Kurdî de London de Parlamentoyê Îngilîstanî reyde kombîyayîşêk ame kerdene. Wekîlê HDPyî Feleknase Uca û Sezaî Temellî zî tewrê kombîyayîşî bîyî.

Wekîla kurde ya Îngilîstanî Feryale Clark moderatorîya kombîyayîşî kerde û Wekîlê Partîya Neteweyîye Chris Stephensî zî kombîyayîş de qisey kerd.

Dima Parlamentoyê Îngilîstanî de hetê Centre for Kurdish Progressî ra roniştişêk ame kerdene. Feryale Clark nê roniştişî rê zî moderatorîye kerde. Clarke vat: ''Rejîmê Erdoganî vera demokrasî û azadîye hêrişanê pîlan keno û vera hêrişanê kurdan tedayan zêdîneno.''

Wekîla Partîya Neteweyî ya Skoçan (SNP) Chris Stephensî zî qiseykerdişê xo de pare kerd ke SNP û HDP partîyê wayûbirayî yê û vay: ''Ma venga dewleta tirke danê ke hêrişanê vera Kurdîstanî wa vindarna. Wa dewlegta Brîtanya wekîlanê HDPyî bi baldarî goşdarî bikera. Girîng o ke haştîye bêra caardene, azadîya kurdan bêra dayene û Rojhelato Mîyanên wa bêro pawitene.''

Wekîlanê HDPyî Feleknase Uca û Sezaî Temellîyî zî qiseykerdişê xo de bale ante binpaykerdişanê heqan ê Tirkîya ser û ard ziwan ke îqtîdarê AKP-MHPyî dişmenê demokrasî yo.

Uca û Temellî dima Merkezê Komelê Kurdan de şarî reyde ameyî têhet. Uca û Temellîyî tîya de dîyar kerd ke vera polîtîkayanê îşxalî û şerî ê hê prosesê xoverdayîşêkê tarîxî de yê. Wekîlan venga her kesî da ke vera polîtîkayanê îşxalî dormeyê îradeyê çareserîye yê Abdullah Ocalanî de bêro pêser.