Bînaya Partîya Demokratîke ya Şaran (HDP) a Aydinî bîye hedefê hêrişî. Berê bîna vizêr ameyî şiknayene û tabelaya partîye ameye cirakerdene.

Par zî reyna hêrişo bi heman hewayî amebi kerdene û îdarekaranê partîye gerreyê hêrişî kerdbi.

Hemserekê HDPyî yê Aydinî Elvan Ortaklarî vat: ''Aydin de rojanê peyênan de kesê neteperwerî yê ke merkezê înan nêzdîyê bînaya ma de yo bi vatişan rehetîye nêdanê ma.''