13 partîyanê sîyasîyan û rêxistinanê komelê sivîlî pê eşkerayîyêka hempare destsernayîşê şaredarîyanê HDPyî şermezar kerd. Eşkerayîya hempare wina ya:

''Heqê weçînayîşî reyna ame binpaykerdene. Dest nîya îradeyê şarî ser. Îqtîdaro ke pê weçînayîşan nêeşkîya şaredarîyan bivisno dest, xîret keno ke pê bêhuqûqî û zorbazîye nînan bisivno dest. Netîceya tayînkerdişê qeyûman de îradeyê sê mîlyon weçînitoxan seke çin o ame hesibnayene. Îqtîdar pê tayînkerdişê qeyûman û qelskerdişê erkê îdareyan ê herêmîyan xîret keno ke îdareyê muxalîfî bêtesîr bikerê.

Ma vera nê tewirê îqtîdarî vejîyenê ke kerdişê ci goreyê Qanûnê Bingeyî nîyo. Ganî şaredarê ke wezîfe ra ameyî girewtene cade abigêrê wezîfeyê xo ser û tedaya vera îdareyanê herêmîyan bêra qedînayene.

Vera binpaykerdişê heqê weçînayîşî, çinhesibnayîşê îradeyê şarî û bêtesîrkerdişê îdareyan ê herêmîyan ma do bêveng nêmanê.''

Partî û rêxistinê komelê sivîlî yê ke morê xo dayo binê eşkerayîye nê yê:

Partîya Herêman a Demokratîkan (DBP)

Partîya Şorişgêre

Partîya Kedê (EMEP)

Partîya Sosyalîst a Bindestan (ESP)

Keyeyê Şarî

Partîya Demokratîke ya Şaran (HDP)

Partîya Çepe

Platformê Paştdayîşê Sosyalîstan (SODAP)

Partîya Xelisnayîşî ya Newe ra Sosyalîste (SYKP)

Partîya Azadîye ya Komelkî (TOP)

Partîya Karkeran a Tirkîya (TÎP)

Partîya Komunîste Tirkîya (TKP)

Partîya Keske û Ameyoxê Çepî