Artêşa tirke ya îşxalkere 23yê teşrîna verêne ra nata hêrişê îşxalî vera Rojawanê Kurdîstanî zêdînayî. Şarê Dêrikî ANFyî rê qisey kerd û soz da ke ê do vera hêrişanê artêşa tirke ya îşxalkere erdê xo bipawê û xoverdayîşî xurtêr bikerê.

Cîhane Elî vist vîrî ke hêrişê dewleta tirke 12 serran ra nata dewam kenê û vat: ''Bi hêrişan ê nêeşkenê îradeyê ma bişiknê. Ma do sey hertimî serkêşîya cinîyan de xoverdayîşê xo pîlêr bikerê û nê hêrişan bişiknê.''

Hogir Salihî vat: ''Hêrişê vera waranê sivîlan yenê kerdene. Dişmen xîret keno ke şarê ma bido koçkerdene. Hêzê ke qaşo garantorê herême yê, wextê hêrişan de kamca de yê? Ê çira bêveng ê? Wa her kes verê nê hêrişan de erkê xo bîyaro ca.''

Şadiye Mihemed vat: ''Dewleta tirke bi hêrişanê xo qanûnanê mîyanneteweyîyan binpay kena. Ma bi yewî û paşydayîşê xo do cewabê hêrişanê dişmenî bidê. Ganî hêzê mîyanneteweyîyî zî vera dewleta tirke tewirê xo bimojnê.''