Rayberê Şarê Kurdî Abdullah Ocalano ke 3 serrî yo tira xeberêke nêna girewtene, ancî qedexeyê pêvînayîşê bi avûkatan ê 6 mengan dîya ci. La tedeyîya bire bi bahaneya 'asayîşî' avûkatan de nêameye parekerdene.
Rayberê Şarê Kurdbî Abdullah Ocalanî ra 25ê adara 2011î ra nata xeberêke nêna girewtene.
Goreyê xebera Ajansê Mezopotamya avûkatanê Buroyê Huqûqî yê Asrinî 6ê teşrîna peyêne ya 2023yî de seba pêvînayîşî muracayê Hakîmîya Înfazî ya Bursa kerd. Muracatî ra dima avûkatan rê ame parekerdene ke 31ê teşrîna verêne ya 2023yî de vera Abdullah Ocalanî qedexeyê pêvînayîşê bi avûkatan ê 6 mengan ameyo dayene.
Hakîmîye bi bahaneya 'asayîşî' derheqê tedeyîya qedexeyî û dosyaya qedexeyî de agahîyêke nêdaye avûkatanê Ocalanî. Avûkatan vera bira qedexeyî mehkemeya berze rê îtîraz kerd la îtîrazê înan zî ame redkerdene.
Buroyê Huqûqî yê Asrinî do vera bira qedexeyî muracatê Mehkemeya Qanûnê Bingeyîyî bikero.
Nê 8 serranê peyênan de 12 reyî Rayberê Şarê Kurdî Abdullah Ocalanî rê qedexeyê pêvînayîşî ame dayene.
